Este ano cúmprense vinte e cinco en ausencia da figura máis importante e recoñecida internacionalmente que deu o jazz en territorio español, o pianista Tete Montoliu (1934-1997). Para recorda-lo músico, que deixou pegada como ningún outro, e a súa obra, o pianista máis destacado da nosa escena, o barcelonés Ignasi Terraza, presenta, acompañado de músicos afíns á identidade e traxectoria do grande Tete, unha posta en escena mediante a cal se lle rende homenaxe. Corrobora a afirmación o feito de participa-lo contrabaixista Horacio Fumero, quen fora base do acompañamento rítmico de Montoliu durante os últimos vinte años da súa carreira. Completan formación dous artistas do talle e experiencia de Carme Canela na voz e Aldo Caviglia á batería. Para esta ocasión contarán co pianista gaditano Chano Domínguez como artista invitado. O repertorio vertébrase a partir dunha lectura renovada das pezas que adoitaba interpreta-lo propio Tete nos seus concertos e que van desde temas da súa autoría ata composicións dos seus músicos predilectos como Thelonious Monk, Dexter Gordon e Duke Ellington, sen esquece-la inclinación que sentía o músico catalán polo cancioneiro do seu admirado amigo Joan Manuel Serrat e por xéneros como o bolero.

• Ignasi Terraza: piano
• Horacio Fumero: contrabaixo
• Aldo Caviglia: batería
• Carme Canela: voz

Artista convidado:

• Chano Domínguez: piano