João Frade Trío

João Frade leva por título o último álbum que edita o recoñecido acordeonista xunto con Michael Olivera e Yarel Hernández, dous piares fundamentais nesta fusión de culturas, á batería e ó baixo respectivamente.

Orixinario do Algarve, está considerado un dos acordeonistas máis importantes do mundo, gañador en varias ocasións do primeiro premio do afamado concurso internacional de acordeonistas Cittá di Castelfidardo. Participou nalgunhas das agrupacións musicais máis importantes de Europa e colaborou con Maria João & Mário Laginha, Pedro Jóia, Lura, Jorge Pardo, etc. É o director musical da renomeada cantante portuguesa de fado Mariza desde hai seis anos.

• João Frade: acordeón
• Michael Olivera: batería
• Yarel Hernández: contrabaixo