O grupo Pocket Corner é un dos principais e máis lonxevos da escena free jazz en Noruega. Creado e dirixido polo trompetista Didrik Ingvaldsen no 1986, co decorrer dos anos converteuse nunha verdadeira institución pola que pasaron moitos dos actuais músicos do avant-garde noruegués como Paal Nilssen-Love entre outros. Herdeiros do son free creado por Ornette Coleman, impregnan a súa música de elementos do jazz nórdico e da improvisación máis libre. O curriculum de Didrik Ingvaldsen inclúe unha extensa formación en Noruega, Leeds (UK) e Nova York (Juliard), o traballo como profesor na súa cidade natal Stavanger desde hai máis de 30 anos e unha extensísima lista de publicacións, discos, grupos e colaboracións.

• Didrik Ingvaldsen: trompeta
• Glenn Brun Henriksen: saxo alto
• Aleksander Grønstad: guitarra
• Ståle Birkeland: batería