• Kenny Washington, voz
• Ignasi Terraza, piano
• Martin Zenker, contrabaixo
• Esteve Pi, batería

Hai uns anos, Ignasi Terraza ouviu cantar a Kenny Washington en Nova York. Completamente seducido pola descuberta dunha voz «cristalina e poderosa», segundo el mesmo confesa, o pianista de Barcelona comezou a construí-las bases dunha alianza á cal acabaría por se suma-lo contrabaixista alemán Martin Zenker, a quen tamén emocionara a arte deste cantante e xa estaba a pensar en como colaborar con el. «Kenny aborda cunha personalidade incrible todo tipo de estilos jazzísticos e encaixa perfectamente no son do noso trío», di Terraza, un dos maiores estudosos cataláns de jazz, sobre este cantor nacido en Nova Orleáns que venera a Sarah Vaughan e Stevie Wonder entre outros. Así pois, acompañado polo infalible Ignasi Terraza Trio e despois de participar na conmemoración do centenario de Ella Fitzgerald con Wynton Marsalis e a Lincoln Center Orchestra, vai actuar Kenny Washington! Un virtuoso a quen Ravi Coltrane chama o seu vocalista preferido e que o San Francisco Chronicle define sen rodeos como «o Superman da escena jazzística na cidade».