LÍMBICO é un proxecto persoal do guitarrista e compositor Iago Marta. Partindo dunha visión jazzística e contemporánea da interpretación, as composicións oscilan entre os arranxos obrigados e a liberdade para os solistas, incorporando linguaxes estilísticas diversas propias do folque, da enerxía do rock ou da improvisación libre.

O proxecto naceu coma un trío en 2019, pero evolucionou de forma natural ata convertirse nun quinteto, gravando o seu primeiro disco en 2021. Este traballo ven de ser presentado en varios dos principais festivais de jazz de Galicia e León con boa acollida por parte de crítica e público.

• Iago Marta: guitarra
• Macarena Montesinos: violonchelo
• Héctor Agulla: batería
• Diego Alonso: saxo
• José Manuel Díaz: contrabaixo.