• Pablo Sax, saxo
• Alejandro Vargas, piano
• Pablo P. Sanmamed, contrabaixo
• Sergio González, batería

Este cuarteto nace na noite do 7 de decembro do 2022 presentando cinco pezas no Filloa Club de Jazz —A Coruña— interpretadas en primicia para seren gravadas ao vivo e gozadas por un público que as acolleu con entusiasmo.

Os músicos Pablo P. Sanmamed (contrabaixo) e Sergio González (batería), que xa facían parte do Pablo Sax Trío e que lanzaran o disco AMORGANA en decembro do 2017, permanecen na formación. Xúntase a ela Alejandro Vargas como pianista, arranxista e pequeno percusionista, ampliando en moitos aspectos as posibilidades sonoras e tímbricas para a música que presenta SELENE.

As pezas que ofrecen procuran un equilibrio entre composición e improvisación en forma de homenaxe a creadores que mediante a súa obra influenciaron o autor da música; son eles Ornette Coleman, Ramón M. del Valle-Inclán e Paul Klee. Queda lugar para admirar, así mesmo, a cidade de Pompeia e o satélite terrestre Selene, denominación grega e mitolóxica. Outrosí, o cuarteto recrea algúns temas dos compositores Charles Mingus, Eric Dolphy, John Coltrane e Thelonious Monk.