Daydream Sessions é un proxecto artístico colaborativo ideado por Guzmán (Sergio Abuín), Bluz (Adrián Arias) e Decsus (Jose Ángel Sánchez) cuxo obxectivo é crear unha comunidade por medio de Jam Sessions. Tralo seu primeiro ano de existencia, a comunidade acadou cento trinta colaboradores e realizou vinte e dúas sesións distintas por toda Galicia. É un espectáculo aberto a multitude de sons como neosoul, hip hop, música latina, rock alternativo..., feito desde a ilusión de atopar intérpretes con inclinacións semellantes e ao mesmo tempo diferentes. Daydream Sessions é a nave que nos leva ao mundo dos soños. Are you having a nice dream?