Cun son sofisticado e rabioso, a música de TT Syndicate transpórtanos do Mardi Gras de Nova Orleáns ao Wigan Casino británico, do Sands Hotel das Vegas ao corazón negro de Detroit: incrible viaxe musical regada cun explosivo cóctel que mestura a elegancia das big bands, o desenfreo do northern soul, o espírito festivo do dixieland e a vibrante emoción do merseybeat dos 60. Destaca a banda portuguesa en contar cun dos directos máis arrasadores que podemos atopar… TT SYNDICATE é capaz de levantar un furacán sonoro que arrastra a todo aquel que se pon no seu camiño, cuspindo no medio da pista de baile, embriagado por un irrefreable arrebato. Un fastuoso espectáculo cheo de alma e ritmo no que as suntuosas guitarras e os abrasivos metais farán que o tempo se deteña nunha eterna celebración de festa e diversión.

• Pedro Serra: voz
• Nuno Gomez: batería
• Nuno Riviera: guitarra
• Manuel Oliveira: baixo
• Hugo Lopes: tenor
• Joel Rocha: barítono
• Bruno Rocha: trompeta.